Ei gravid kvinne var delaktig i ein sjølvmordsaksjon i Irak i dag der tre amerikanske soldatar vart drepne.
Av
Bent J. Tandstad
I tillegg til kvinne og soldatane vart også mannen som køyrde bilen kvinna var i drepen i eksplosjonen. Det skjedde ved eit sjekkpunkt i nærleiken av Hadithah-dammen om lag 20 mil nordvest for Bagdad.
|
Fjernsynsstasjonen Al Jazzeera viste i kveld bilete av kvinner som ville bli sjølvmordsbombarar. |
Både irakiske og amerikanske styresmakter stadfestar at det var snakk om eit sjølvmordsangrep.
Ein sivil bil nærma seg sjekkpunktet. Ei gravid kvinne gjekk ut av bilen og byrja å skrike, som i frykt, heiter det i ei fråsegn frå den amerikanske overkommandoen i Qatar. Like etter eksploderte bilen, og tre soldatar vart drepne. Ytterlegare to vart såra. Den gravide kvinna og sjåføren vart også drepne av eksplosjonen, heiter det i fråsegna.
Den arabiske fjernsynsstasjonen Al Jazeera viste fredag kveld bilete av to kvinner som gav uttrykk for at dei ynskjer å gjennomføre sjølvmordsangrep for å forsvare landet sitt. (NTB-Reuters)