- 20 sivile, blant dei 11 born, er drepne i eit bombeangrep mot eit gardsbruk like utanfor Bagdad, seier slektningar til nyheitsbyrået AFP.
Publisert 31.03.2003 12:45.
Angrepet skal ha skjedd sit laurdag i nabolaget Al-Janabiin i utkanten av Bagdad, melder AFP i føremiddag. 10 menneske skal vere skadde i angrepet.
Slektningar som overlevde angrepet seier at tre hus vart lagde i ruinar, og at dei drepne kom fråm fem familiar. Ved sidan av 11 born er det sju kvinner og to menn blant dei døde.
Berre to personar kom uskadde frå angrepet, og det er desse som i dag har snakka med ein journalist frå det franske nyheitsbyrået AFP som i dag var på åstaden.