- Vi meiner skattelova dei neste to åra må bli endra slik at ein kan få tilbake tidlegare innbetalt skatt, seier bransjedirektør Knut Sunde i Norsk Industri.
Les også:
Ei av fem bedrifter melder i ei fersk industriteljing om kredittproblem. No hevdar Sunde å ha kome fram til løysinga som både bedriftene, dei tilsette og samfunnet vinn på:
At skattepengane blir gitt tilbake medan finanskrisa trugar industrien.
Video: Store forventninger til krisepakken.
- Enkelt forslag
Sunde ser for seg at staten lempar på skatten i ein periode på tre år.
- Vi ønskjer å skyve på skatten slik at verksemdene får penger no som likviditeten er dårleg og pengane dyre. Dette er eit enkelt forslag som regjeringa bør kome med 26. januar. Viss ikkje vil arbeidsløysa vekse til høgder vi ikkje har sett tidlegare.
- Vil nesten ikkje koste noko
Skatten skal betalast tilbake når finanskrisa er over, tenkjer bransjedirektøren.
- Dett er ei teknisk sak som ikkje har negative fordelingseffektar. Det vil nesten ikkje koste noko. Det handlar berre om å skyve på pengar mellom nokre år.
Finanskrisa aukar risikoen for at mange selskap får store underskot i 2009 og 2010. Nokre vil også gå i minus frå fjoråret og bli nøydde til å innskrenke verksemda.
Video: - Det vil komme en endring i Statsbudsjettet.