Forholda for dei eldre lærarane er nemleg lagt dårleg til rette, og mange sluttar for tidleg, viser tal frå utdanningsforbundet.
No foreslår Høgre i sitt alternative statsbudsjett å bruke 30 millionar kroner på seniortiltak for realfagslærarane over 55 år.
Utdanningspolitisk talskvinne i Høgre, Ine Marie Eriksen Søreide, seier at alle pengene skal gå direkte til lærarane for å sikre at kompetansen blir i skulen så lenge som mogleg.
- Alle 30 millionane skal gå direkte til lærarane gjennom bonus eller ulike former for arbeidstidsordningar, seier Søreide til NRK.
- Akutt mangel på lærarer
Skuleverket kan risikere å stå igjen med ein akutt mangel på lærarar i kjemi, fysikk og matte.
Det gjør at leiaren i Norsk Lektorlag, Gro Elisabeth Paulsen, ikkje stiller seg negativ til Høgre sitt forslag. Samstundes understreker ho at dette ikkje er nok.
- Det er ein god start, og viser at ein tek dette problemet på alvor, seier Paulsen.
No håpar Høgre å få regjeringspartia med på forslaget.