Steinraset var rundt 100 meter langt og 20 meter breitt, og gjekk heilt sør mot Skedsmokorset i Gjerdrum kommune i Akershus. Ingen personar blei skadde i raset.
Ein geolog som har undersøkt området i natt, seier det kan koma nye ras. Fleire geologar skal undersøkja området når det blir lyst, opplyser Romerike politidistrikt.
Tre hus er i faresona. Det var totalt fire personar i to av desse husa då raset gjekk, og dei er evakuerte.
Fylkesveg 120 er no fysisk stengt ved rasstaden ved Åsenhagen i sør og ved avkøyring Frogner i nord. Det er skilta omkøyring frå Ask via Kløfta, skriv politiet på Twitter.
