Mistanke om drap i Oslo

Operasjonsleiar Sven-Martin Ege ved Oslo politikammer opplyser til NRK at dei fekk melding om at det var ein død person i eit husvære i Falsensgate kl. 18.59.

Politiet rykte ut, og der vart dei møtt av personen som melde frå om dødsfallet.

Mistanke om drap

– Vedkomande er no i politiet si varetekt. Han hadde nøklar til husværet, og der inne fann politiet altså ein død mann. Det var grunn til mistanke om at det hadde skjedd eit drap, seier operasjonsleiaren.

Det er uklart kva relasjon det er mellom den arresterte mannen og avdøde.

Politiet driv no med teknisk og taktisk etterforsking på staden, og dei vil ikkje gi ytterlegare opplysningar om det som har skjedd. Det er kalla inn til ein pressekonferanse søndag føremiddag.

Pågripen utan dramatikk

Innsatsleiar Rune Bjørsvik seier til NRK at den arresterte mannen er teken til politihuset, der han vil bli avhøyrt.

Han fortel at pågripinga av mannen skjedde utan dramatikk.

Han seier at mannen er middelaldrande, men han kan ikkje seie noko om korkje alder eller kjønn på den døde personen.

Politiet held ei pressekonferanse kl. 12 søndag.