Alt i dag er det strenge krav til skadestabilitet på slike skip. Det at «Costa Concordia» la seg heilt over på sida etter grunnstøytinga fredag for ei veke sidan, vil truleg få konsekvensar i form av endå strengare reglar.
Hans Sande er øvste leiar i Sjøoffisersforbundet, som har 8000 medlemer.
Foto: SjøoffisersforbundetSjøkaptein Hans Sande er øvste leiar i , som har 8000 medlemer. Han har sjølv sigla 14 år i cruisefart, og han opplever at det er gode tryggingsrutinar om bord i cruiseskipa.
LES OGSÅ:
LES OGSÅ:
– Store utfordringar
– Eg trur den daglege tryggleiken om bord på cruiseskip er godt i vareteken, men det er store utfordringar på dei største skipa, seier han.
– Det er stort fokus på opplæring. Alle som arbeider på eit cruiseskip har i tilfelle ein krisesituasjonen sine heilt dedikerte oppgåver som dei er drilla i, seier Sande. Han meiner det er svært viktig på alle skip å ha ei velfungerande kriseleiing, og ein godt drilla operativ beredskap.
Dersom ikkje kan det vere fatalt, seier han.
Sande vil ikkje spekulere om det som skjedde med «Costa Concordia» fredag for ei veke sidan. Det er eit brokete bilete av redningsarbeidet som har kome fram, og ein kan få inntrykk av at det til ein viss grad var ukoordinert.
LES OGSÅ:
LES OGSÅ:
Evakuering av mange
Eit helikopter har heist ned redningsarbeidarar til det havarerte cruiseskipet «Costa Concordia».
Foto: VINCENZO PINTO / AfpHan meiner det er svært utfordrande når så mange menneske skal evakuerast. Til større skipet er, til større område har folk å opphalde seg på. Det gjer det vanskelegare gjere seg kjent om bord, og det blir vanskelegare å finne vegen dit ein etter kriseplanen skal gå.
Alle passasjerskip i internasjonal trafikk skal halde ei livbåtøving før dei går frå land, der alle passasjerar skal få informasjon om korleis dei skal handle seg om det oppstår ein krisesituasjonen.
Hans Sande trur det er vanskeleg å stanse utviklinga med store passasjerskip. Stordriftsfordelane har gitt billegare billettar, og stadig fleire ynskjer å reise på cruise. Men utfordringane er store når det gjeld tryggleiken, meiner han.
Ulukka med «Costa Concordia» skjedde nær land, og redningsmessig var det gunstig, om ein kan bruke eit slikt uttrykk om ei alvorleg ulukke. Skjer det i rom sjø kan det vere langt vanskelegare med ei evakuering.
LES OGSÅ:
LES OGSÅ:
Den svarte boksen
– Det finst ikkje tilstrekkeleg redningskapasitet. Tenk på at eit Sea King-redningshelikopter har plass til åtte til ti personar. «Estonia»-ulukka var eit klart eksempel på kor vanskeleg det kan vere å berge passasjerar, seier han.
Ein dykkar i aksjon ved den delen av skroget som ligg under vatn.
Foto: HANDOUT / ReutersSande meiner at hamnene kanskje er den viktigaste avgrensinga for kor store cruiseskipa kan bli. Sjølv om «Costa Concordia» hadde over 4000 personar om bord, det det mange cruiseskip som er endå større.
– Det viktigaste i alle samanhengar er å ha fokus på dei førebyggjande tiltaka, det er desse som skal hindre at ulukker skjer. Kva slags lærdom vi skal ta av «Costa Concordia» er for tidleg å seie noko om, seier han.
Sande understrekar at han ikkje ynskjer å framstille cruisenæringa som utrygg. Næringa har gjennomgåande tryggingskulgur, og god tryggleik er faktisk ein av dei fremste salsargumenta for slike selskap, ved sidan av opplevingane om bord.
Hans Sande vil ikkje spekulere i årsaka til at «Costa Concordia» gjekk på grunn. Dei har funne den svarte boksen, seier han, og denne boksen inneheld all informasjon om det som skjedde på brua før katastrofen. Dermed vil sanninga om havariet kome for dagen ganske snart.
Sikta for aktlaust drap
Truleg har politiet og sjøfartsstyresmaktene alt gått gjennom innhaldet i den svarte boksen, og det vil avgjere om det blir teke ut tiltale mot kaptein Francesco Schettino.
Han er i dag sikta for aktlaust drap og for å ha forlate skipet før alle passasjerane var evakuerte.
Sjølv seier kapteinen at steinane som «Costa Concordia» gjekk på, ikkje var avmerkte på sjøkartet. Han skal ha forklart at steinane var avmerkte på kartet 300 meter unna der skipet gjekk.
LES OGSÅ:
