Dei siste åra har ho gitt ut tre bøker på norsk, og engasjert seg sterkt i debatten rundt norsk innvandringspolitikk.
Det er Foreningen til fremme av sivilt mot som deler ut kvart år. Prisen går til enkeltpersonar som uredd har kjempa for menneskeverd, demokrati og rettstryggleik.
Amal Aden får prisen ved ei tilstelling i Nobelinstituttet i Oslo i kveld.
Leiar i Foreningen til fremme av sivilt mot, Ingjald Sørbeck Sørheim, seier at Amal Aden får prisen fordi ho har kritisert norsk innvandrings- og integreringspolitikk på ein konstruktiv måte, og fordi ho uredd har refsa innvandrarmiljø som ikkje respekterer grunnleggjande verdiar som demokrati, likestilling og rettstryggleik.
- Med stort mot har ho vore open om sine eigne erfaringar, og har på den måten gitt ei stemme til alle som i det skjulte blir utsette for grove overgrep i namnet til religionen og kulturen, seier Sørheim.
Blant tidlegare vinnarar er Kadra Nor, Gunnar Stålsett, Per Yngve Monsen og Erling Borgen, som fekk prisen i fjor.
Zola-prisen vart første gong delt ut i 1999, då Magnuns Hole Jacobsen fekk prisen for å ha avslørt lovstridig overvaking av tilsette i Norsk Hydro.
