Sjåfjell er jusprofessor og ekspert på selskapsrett ved Universitetet i Oslo, og har følgt VimpelCom-saka tett.
Til Klassekampen seier ho at høyringa på Stortinget avslørte at Baksaas har svikta i begge sine roller, både som styremedlem i VimpelCom og som konsernsjef i Telenor.
– Baksaas bør gå av
– Baksaas burde gå av, anten frivillig eller ved at styret i Telenor bestemmer at han må gå, meiner Sjåfjell. Ho meiner at Baksaas har forsømt jobben sin, og peiker blant anna på at han i høyringa var heilt open på at styret i VimpelCom ikkje har følgt opp gjennomføringa av Usbekistan-satsinga.
– Anten har Baksaas vore svært aktlaus i si rolle som styremedlem i VimpelCom, eller så har han ikkje følgt opp med vilje, seier Sjåfjell, som også er kritisk til Telenor-styret si handsaming av korrupsjonsmistankane.
Telenor-leiinga har ikkje ønska å kommentere saka, skriv Klassekampen.