Ordninga med elektroniske reseptar blei innførd for eitt år sidan. I dag er åtte av ti reseptar elektroniske.
Hittil har det vore nok for kundane å oppgje namn og fødselsnummer.
Apotekerforeningen meiner at dagens ordning er sårbar og skjerpar no kontrollen.
Legitimasjon og fullmakt
– No blir det krav om å visa legitimasjon ved henting av reseptlegemiddel . Dei som hentar medisinar på vegne av andre må ha med fullmakt og legitimasjonen til den personen dei hentar for, seier kommunikasjonssjefen i Apotekerforeningen Jostein Soldal.
Dei som jobbar i apoteka er nøgde med at krava no blir skjerpa inn.
– Det er veldig viktig at det no blir krav til lik praksis ved alle apotek, seier apotekar Mari Solberg til NRK.