I går vart den såkalla Konfucius-prisen
til Nobels fredspris. Den tidlegare leiaren av nasjonalistpartiet i Taiwan, Lien Chan, vart tildelt prisen.Konfucius-komiteen ønskte å gje prisen til Lien fordi han har bidrege til å betre forholdet mellom Taiwan og det kinesiske fastlandet. Men han
.– Han har sagt klart ifrå at han tar avstand frå tildelinga. I staden hadde priskomiteen hosta opp ei lita jente på seks år, som fekk ein stor bunke pengar og diplomet på vegner av prisvinnaren, seier Kina-korrespondent Anders Magnus.
Kinesisk seksåring
Seks år gamle Zeng Yuhan er frå Kina, og priskomiteen har ikkje ønskt å seie om ho har noko med prisvinnar Lien Chan å gjere.
Magnus er ikkje sikker på kven som til slutt får prisen på 100.000 kroner.
– Dei hadde ingen til å ta imot prisen, så då var vel ho like god som nokon andre, seier han.
På pressekonferansen vart komiteen spurt om kva dei meiner om at prisvinnaren ikkje ville ta imot prisen.
– Då svarte dei at prisvinnaren er sikkert for fred, og då vil han sikkert også ta imot prisen, seier Magnus.
– Eldre enn Nobel
Det er tre veker sidan det vart kjent at kinesarane hadde oppretta sin eigen fredspris. På spørsmål om korleis komiteen var sett saman, svarte dei at han var sett saman for lenge sidan.
– Dei sa også at Konfucius-prisen eigentleg var ein mykje eldre pris enn Nobel-prisen, fordi tankane til Konfucius er mykje eldre enn Nobel.
Magnus meiner det dette er pinleg for komiteen.
– Ja, det er klart at dei tapar ansikt når prisvinnaren ikkje vil ta imot prisen, seier han.
Nekta å snakke om Liu
Jimmy Carter, som var ein av kandidatane til prisen, har bede om at Liu Xiaobo blir sett fri. Då komiteen fekk spørsmål om dette, svarte dei at dei nekta å svare på alle spørsmål om Liu.
– Det å snakke om Liu Xiaobo, ville øydeleggje freden i verda, sa komiteen, ifølgje Magnus.
Komiteen strekar under at dei ikkje har offisielle band til regjeringa i Beijing, men komiteformann Tan Changliu seier dei likevel samarbeider tett med det kinesiske kulturdepartementet.