Kongressen med støtte til Liu

Den ikkje bindande støtteerklæringa, som vart vedteken med 402 røyster for og berre ei imot, gratulerer Liu, og gir han honnør for arbeidet for demokratiske reformar i Kina.

LES OGSÅ: – På tide at Kina lytter til folket sitt

LES OGSÅ: - Nobelprisen det viktigste som har skjedd siden studentopprøret i 1989

Initierte «Charter 08»

Dei folkevalde ber også kinesiske styresmakter om å setje fredsprisvinnaren fri. Liu Xiaobo vart arrestert i desember i fjor for å ha vore ein av initiativtakarane til «Charter 08», eit politisk manifest som krev demokratiske reformar i eittpartistaten Kina.

I vedtaket blir kinesiske styresmakter også bedne om å lette på mediesensuren og sensuren av Internett, og å stanse baksnakkinga av Liu Xiaobo.

- Ved å ære Liu Xiaobo, ærar Nobelkomiteen også alle dei som har kjempa for demokratiske reformar i Kina, inkludert alle dei som deltok i demonstrasjonane på Tianaman-plassen i Beijing i 1989, heiter det i erklæringa frå Representanthuset.

LES OGSÅ: Ble arrestert på vei til Nobel-utdelingen

LES OGSÅ: 19 land med Nobel-nei

- Ein vanleg kriminell

Kina har skulda norske styresmakter for å øydeleggje forholdet mellom Kina og Noreg, og å støtte ein kriminell. Kina meiner at Liu Xiaobo er ein vanleg krimniell, og landet har lagt press på andre land for ikkje å delta under fredsprisseremonien fredag.

Leiaren for representantane frå Det demokratiske partiet i Kongressen, Nancy Pelosi, og republikanaren Chris Smith skal delta under seremonien i Oslo rådhus fredag.

LES OGSÅ: - Nobelprisen er en vekker for FN

LES OGSÅ: FN-toppar får Nobel-refs

LES OGSÅ: Åpner dørene for eksil-kineserne

LES OGSÅ: Eksil-kinesere med protest i Oslo