- Ultima stal lyddusj

Då Gardermoen åpna for fire år sidan, laga Rynander 11 lyddusjar som ein lekk i utsmykkinga. Dei fekk mykje merksemd, og i andre land. No er Rynander rasande, skriv Dagbladet.

Heng i taket

Lyddusjene, slik de henger på Oslo Sentralstasjon

Lyddusjane er laga ved at ein parabol heng ned frå taket. På golvet under er det teikna ein sirkel. Når folk går inn i sirkelen, vert lydane aktive. Rynander meiner at lydskulpturane som no vert presenterte på Oslo S liknar altfor mykje på hennar eigne.

- Dei har ikkje spurt meg. Dei har rett og slett stole og kopiert kunstverket mitt. No er eg forbanna - og opprørt, seier ho.

Rynander er og sjokkert over at NSB meinte dei kunne selja ideen vidare.

- Eg kontakta BONO og den kunstnariske juryen ved flyplassen. Dei meinte dette ville vera brot på kontrakten, seier Rynander.

Omfatta av åndsverklova

Kunstnaren Arne Nøst, som er leiar i Norske Billedkunstnere, meiner dette kan vera ei alvorleg sak.

- Dette er farleg nær, kanskje for nært. Det verkar som dette kan vera ei så lik samanstilling av element at det vert omfatta av åndsverklova, sier Nøst til Dagbladet.

Ikkje einerett

Installasjonen er eit samarbeid mellom Ultima, Norsk kulturråd, NOTAM og NRK. Men kultursjefen i NRK, Turid Birkeland, ser ikkje på dette som kunsttjuveri.

- Eg kan ikkje skjøne at nokon kan meine at dei har einerett på teknologien lyddusj. Det er jo innhaldet som bestemmer om dette er plagiat eller ikkje, meiner Birkeland.

Dagbladet/Tori Skrede

mandag 7. oktober 2002

Se også