Ros og ære til Kaldestad

Norsk Barnebokforum gav i år Askeladdprisen til forfattaren Per Olav Kaldestad, som har vore særleg aktiv og synleg innan barnebokmiljøet i ei årrekke, melder Det Norske Samlaget.

Publisert 03.12.2001 12:46. Oppdatert 03.12.2001 12:56.

Skriv ut
Del/tips

Askeladdprisen er ein ærespris som vert delt ut anna kvart år til enkeltpersonar, grupper av personar eller institusjonar som har gjort ein betydeleg innsats for barneboka.

Brenn for barneboka

Per Olav Kaldestad har skrive fleire barnebøker, kronikkar og artiklar, han har vore høgskulelektor i norsk, og han har i fleire år vore medredaktør for årboka for barne- og ungdomslitteratur. I tillegg har han vore leiar av organisasjonen Norske Barne- og Ungdomsbokforfattere og var ei av eldsjelene bak opprettinga av "Ord og Bilde".

Han har òg gitt ut bøker for vaksne, og debuterte med diktsamlinga "Kikkert" i 1973.

Askeladdprisen vart i år delt ut på Norsk barnebokforums haustkurs på Høgskulen på Bislett 24. november. Prisen vart fyrste gong delt ut i 1981.