Eit skred av bøker frå unge forfattarar mellom 15 og 30 år toppar bestselgjarlistene i Kina. Ei av dei er 19 år gamle Jiang Fanzou som allereie har publisert 14 bøker.
Kometkarriere
Ho sa nyleg til nyheitsbyrået AFP at foreldra hennar ikkje har fortalt kor mykje ho tenar på å skrive.
- Forfatterskapet har gjeve ho ei kometkarriere, seier Ciuming Pang.
Ho tek doktorgrad i kinesisk kultur ved Universitetet i Oslo. Som lærar heime i Kina såg ho starten på ei veksande bølgje.
- Bøkene er populære hjå studentane i Kina. Forlaga har skjønnt kor mykje dei kan tene på den unge generasjonen av forfattarar.
Unge kinesarar i same aldersgruppe sluker litteraturen som er skrive av desse forfattarane.
- Bøkene handlar ofte om kjærleik, seier Pang. Ho meiner det er modig i av ein 15 åring å skrive om synspunkt på kjærligheiksforhald i Kina.
Fastfood-litteratur
Kvaliteteten på den ferske litteraturen vert heftig diskutert i heimlandet. Nokon kallar den fastfood.
Men professor Ma Xiangwu ved Folkets Universitet i Beijing, seier at det er eit behov for dei nye stemmene. Dei uttrykker verdiar og kjensler som berre den unge generasjonen kinesarar kan formidle.
Døgnfluge
- I denne store variasjonen vil ein finne forfattarar som gjer det bra, men dette er spekulativt, seier forskar og sinolog Harald Bøckman.
Han fortel at det er mange av desse forfattarane som publiserer mykje rett på internett.
- Dette fortel at muligheitane for å uttrykke seg er i ferd med å endre seg dramatisk, hovudsakleg på grunn av internett, meiner Bøckman.
Og vidare meiner han at dette er ein trend.
- Ein forfattargenerasjon varer ikkje ein heil generasjon i Kina. Den varer berre i nokre få år, akkurat som ei døgnfluge.