SEND DIN HILSEN

KONKURRANSER

DEBATT

Kongelege gjestar

Publisert 25.07.2001 10:54 - Oppdatert 25.07.2001 15:03

Prins Joachim og prinsesse Alexandra av Danmark. Foto: Scanpix

Danmark

Danmark stiller med flest kongelege gjestar i bryllaupet. Til no har heile tolv kongelege frå Danmark takka ja til invitasjonen.

Dronning Margrethe kjem til Oslo saman med kronprins Fredrik, prins Joachim og prinsesse Alexandra. Dei to sistenemnte kjem ikkje til å vere til stade på sjølve bryllaupsfesten, men er i Oslo 23. og 24. august.

Frå Danmark kjem òg prinsesse Benedikte, prins Richard og prinsesse Alexandra, grev Jefferson-Friedrich, prins Gustav og prinsesse Nathalie. Grev Flemming og grevinne Ruth av Rosenborg har òg takka ja til invitasjonen

Sverige

Det siste skandinaviske kongehuset stillar òg med mange gjestar. Kungen og drotningen tek med seg heile sju andre frå den svenske kongefamilien.

Den svenske kongefamilien

Kong Carl Gustaf og dronning Silvia kjem saman med barna kronprinsesse Victoria, prins Carl Philip og prinsesse Madeleine.

Broren til kronprinsesse Märthas, Carl Bernadotte, kjem til Oslo saman med Kristine Bernadotte og Nicolas og Madeleine Kogevinas.

Kronprins Philippe og prinsesse Mathilde av Belgia under bryllaupet deira i 1999. Foto: Scanpix

Belgia

Frå Belgia kjem kong Albert og dronning Paola saman med prins Philippe og prinsesse Mathilde.

Nederland

Det fyrste kongelege bryllaupet i år var i Nederland. Prins Constantijn gifta seg med Laurentien Brinckhorst i mai. I bryllaupet fekk Mette-Marit høve til å møte mange av dei europeiske kongelege.

Maxima Zorreguitas og henens forlovede, den nederlandske kronprinsen, Willem Alexander, med Mette-Marit og Haakon bak. Bildet er tatt under bryllupet til Willem-Alexanders bror, prins Constantijn, i Haag i mai.

Kronprins Willem-Alexander kjem til bryllaupet saman med Maxima Zorreguieta. Maxima er dotter av ein tidlegare argentinsk statsråd og er trulova med kronprinsen. Saman med det nederlandske kronprinsparet kjem òg prins Constantijn og prinsesse Laurentien.

Ólafur Ragnar Grímsson, president på Island

Island

Frå Island kjem president Ólafur Ragnar Grímsson saman med kona Dorrit Moussaieff.

Tarja Halonen. Foto: NRK

Finland

Finland stillar òg med presidentutsending til bryllaupet. President Tarja Halonen kjem saman med sin mann Pentti Arajärvi.