Total måneformørking

Slik oppstår heil- og halvskuggen bak jorda. Alle punkta på sola sender ljos i alle regningar ut i rommet. (Illustrasjon: Astronomi.no)

Tidene for måneformørkinga natt til søndag. (Illustrasjon: Astronomi.no)

Formørkinga er total frå klokka 02.06 til klokka 02.31 9.november. Stipendiat Rolf Jørgen Røed Ødegaard ved Astrofysisk insstitutt ved Universitetet i Oslo meiner at ei total måneformørking er blant dei flottaste naturfenomena vi har. - Det er vakker oppleving, seier han.

- Månen blir sjeldan heilt borte under totale formørkingar, men får gjerne raudlege eller grålege tonar under totaliteten. Fargane skuldast ljos som er brote i jordatmosfæren, seier Ødegaard.

Dette er frå måneformørkinga i januar 2001. (Foto: Arne Danielsen)

- Frå overflata på månen ville vi sett alle soloppgangane og solnedgangane på jorda samstundes, sidan den lysande jordranden er området på jorda der sola står heilt i horisonten, legg han entusiastisk til.

Han opplyser at måneformørkinga 9. november er uvanleg kortvarig, og at det berre er så vidt at heile månen er inne i heilskuggen frå jorda. Formørkinga kan difor bli ganske ljos, spesielt på dei nedre og dei øvre delane av månen.

Sola på veg inn bak jorda sett frå overflata på månen. (Illustrasjon: Astronomi.no)

Lenker