Hoff vil senke gamle lagkameratar

– Eg trur det vert ein tøff kamp, men vi har alle moglegheiter til vinne den, seier tidlegare Stabæk-angripar, Espen Hoff til ikstart.no.

• SJÅ: Alt om Start
• SJÅ: Alt om Stabæk
• SJÅ: Alt om eliteserien

Stabæk kjem frå eit surt cup-tap mot Hønefoss i førre veke. Start gjekk vidare i cupen med 2-1 siger mot 2. divisjonslaget Notodden.

– Svingar i prestasjonane

I førre serierunde spelte Start uavgjort 1-1 mot Rosenborg på heimebane. Stabæk kjem frå 3-2 siger mot Odd Grenland på bortebane.

• LES: Møter Godset i cupen

– I serien har laget gjort det ok, men har svinga veldig i prestasjonane frå det flotte til det dårlege. Stabæk er eit offensivt lag med eit godt angrep, og ei veldig bra midtbane. Defensivt har laget derimot slite mykje dei siste sesongane, seier Hoff.

Stabæk-spelar Vegar Eggen Hedenstad fortel om eit revansjesugent Stabæk-lag.

– Vi skal revansjere oss etter den pinlege kampen på onsdag. Vi skal gå ut å krige, som vi gjorde mot Odd Grenland. Då kan det bli gøy, seier han til stabak.no.

– Vi var dårlege

Også trenar Jørgen Lennartsson trur revansjelysta er stor etter cuptapet mot Hønefoss.

– Vi gjorde ein dårleg prestasjon og det skal vi forhåpentlegvis reparere, og gjere ein god prestasjon med fullt trøkk frå start, seier Lennartsson.

• SJÅ: Følg kampen direkte her

Start og Stabæk har møtt kvarandre 16 gonger i eliteserien. Det har enda med seks Stabæk-sigrar, fire Start-sigrar og seks uavgjortkampar.

I tilsvarande oppgjer i fjor vann Start 3-2, etter skrivar av Avni Pepa, Jesper Mathisen og Espen Knudsen. Johan Andersson og Marius Helle scora for bærumsklubben.

Fire utan siger

Start står med fire strake kampar utan siger i eliteserien. Sist laget gjekk av bana med tre poeng var i oppgjeret mot Viking 16. april. Då vann Start 4-0 på Sør Arena.

Lite tilseier at dagens oppgjer skal ende med uavgjort. Stabæk har nemleg spelt heile 21 kampar på rad utan uavgjort. Sist laget spelte uavgjort vart mot Brann 18. juli 2010. Den kampen enda 1-1.

Start stiller med følgjande mannskap: Kenneth Høie - Brian Priske, Avni Pepa, Jesper Mathisen, Rolf Daniel Vikstøl - Fredrik Strømstad, Solomon Owello, Petter Bruer Hanssen, Espen Børufsen - Espen Hoff - Ole Martin Årst