– Vi ynskjer ikkje å ta folk. Vi ynskjer at folk skal komme seg lovleg og trygt fram til hytta si, seier UP-sjef på Agder, Øystein Krogstad til NRK.no.
- LES: Her står UP i påsken
- LES: Påsken er ulykkestid
Over heile landet vil Utrykningspolitiet markere seg med store styrker. I år infomerer politiet om kvar dei kjem til å stå på førehand, utan at det ser ut til å hjelpe.
– Vi er på radio, i aviser og på Facebook der vi fortel kvar vi står. Erfaringane er likevel at folk rasar inn i stor hastigheit, seier han.
2000 ulykker i fjor
Pressesjef i Statens vegvesen, Kjell Bjørn Vinje, fortel om ein dyster ulykkesstatistikk i påskedagane. Dei verste ulykkesdagane er onsdag før skjærtorsdag, første påskedag og laurdag før palmesøndag.
– Det skjer i snitt 150 ulykker der folk vert skadde i påska. For 20 menneske er skadene alvorlege, seier han.
– Det er viktig for oss at folk held fartsgrensa. Viss alle gjer det sparar vi 60 liv i året. Poenget er ikkje å ta folk. Poenget er at folk skal køyre etter fartsgrensa og ikkje drive hasardiøse forbikøyringar. Så går trafikken fint. Då kan vi smile og ynskje folk god påske, seier Krogstad.
Kan vere glatt
I påska kan køyreforholda variere stort. Oppfordringa frå forsikringsbransjen er dermed klar.
– Nokon har kanskje til og med skifta til sommardekk allereie, og gløymt at det framleis er mykje snø og glatte vegari høgda, seier skadedirektør ved Dnb Nor Skadeforsikring, Anne Stine Eger Mollestad.
- LES: Her blir det kø
– Ei klar trend på vinterføre er at påkøyrlser bakifrå og i kryss står for ein stor del av ulykkene. Møteulykker og utforkøyringar aukar også veldig mykje på utfartsdagane, seier ho.
Vil vere synlege
Det vil vere både uniformerte politibilar og sivilt politi på vegane fredag.
– Du sparar kanskje fem minutt på å køyre litt for fort. Det merkar du ingenting til resten av påska. Ro ned, ta ein kopp kaffi, snakk med ungane og ha det hyggeleg. Så får ein heller komme ti minutt seinare til hytta, seier Krogstad.
– Ver budd på køkøyring og planlegg deretter. Stress og uoppmerksomheit kan fort føre til trafikkuhell, så ta tida til hjelp. Ta hyppige pausar og planlegg for ein hyggeleg køyretur, seier Mollestad i Dnb Nor Skadeforsikring.
HER STÅR UP I HEILE PÅSKA:
FOLLO OG ØSTFOLD:
- Onsdag 20.4: storkontroll på E18 Svartskog i Oppegård
- Torsdag 21.4: E6 ved Svinesund og i Halden-området
- Påskeaften: Rv 156 i Ås- ruskontroll, Vinterbro
- 1. påskedag: E6 og E18
- 2. påskedag: E18 Svartskogtoppen i Oppegård
ROMERIKE, HEDMARK, GUDBRANDSDAL OG VESTOPPLAND:
- Hele påsken: E6 Oslo-Nord-Gudbrandsdal, Rv 2 Kløfta-Sverige, Rv 3 Elverum-Nord-Østerdal, Rv 25 Trysliveien, Rv 4 Nittedal-Gjøvik og E16 Begnadalen-Valdres
- Torsdag 21.4:Rv 2 og Rv 4 til/fra Sverige
- 1.påskedag: E6 fra Espa til Gardermoen
ASKER OG BÆRUM, SØNDRE OG NORDRE BUSKERUD:
- Rv 40 og Rv 7, Numedal og Hallingdal
VESTFOLD OG TELEMARK:
- E18, E134, Rv 32, Rv 36, Rv 38 og Rv 40.
AGDER OG ROGALAND:
- Rv 9 Hovden, Rv 41 og 42 fra Arendal til Gautefall og Vrådal i Telemark
- Rv 402 fra Kristiansand mot Gautefall og Vrådal.
- Rv 45 mot Sirdal
- E18 og E39
HAUGALAND OG SUNNHORDLAND, HORDALAND OG SOGN OG FJORDANE:
- E134 Åkrafjorden mot Seljestad og Røldal
- E16 fra Bergen til Oppland grense
- Fv 7 fra Bergen til Hardanger
- E39 langs kysten
- Fv 7 Kvamskogen
SUNNMØRE, NORDMØRE OG ROMSDAL:
- E39/136 Ålesund-Romsdal-Oppland grense
- Rv 62/70 Hjelset-Sunndalsøra
- E39 Krifast-Halsa
SØR- OG NORD-TRØNDELAG:
- E6 Trondheim mot Oppdal
- E134 Stjørdal mot Sverige
- E14 svensketrafikk mot Åre
HELGELAND, SALTEN OG MIDTRE HÅLOGALAND:
- E6 gjennom hele Nordland
- E12 Mo-Umbukta
- E10 Narvik-riksgrensen
- Rv 80 Bodø-Fauske
TROMS, VESTFINNMARK OG ØSTFINNMARK:
- Vil ha kontroller på de mest trafikkerte strekningene gjennom hele påsken