Ordføraren i kommunen, Odd Omland, har no bede rådmannen fremje sak til politisk behandling kring kriminell MC-klubbar.
- LES OGSÅ: Frykter mer bråk i kommunene
Ordføraren vil ha både næringsliv og lokalsamfunnet på bana for å stoppe klubbane.
Klare signal frå kommunen
– Kvinesdal kommune ynskjer å førebyggje denne form for kriminalitet sett i lys av den tiltakande oppblomstring desse miljøa har fått i våre nærområde, skriv Omland i ei pressemelding.
– Politiet har også komme med oppfordringar til kommunane om å ta dette på alvor, og vi har hatt møter med politiet. Med nemnde vedtak meiner eg kommunen gir klare signal om at slike miljø er uønskt i Kvinesdal kommune, skriv han.
- LES OGSÅ: MC-klubb inn i varmen
Rådmannen i kommunen viser blant anna til at det fins kriminelle MC-miljø i kommunar nær Kvinesdal.
Tysdag denne veka skreiv NRK.no om motorsykkelklubben Twin Eagles i Farsund. Politiet reagerte sterkt på at politikarar i kommunen vil ha eit møte med den lokale MC-klubben, som er knytt til Hells Angels.
KS: – Politiet må ha hjelp
Også KS har oppfordra norske kommunar til å bekjempe kriminell MC-klubbar.
– Det faktum at gruppene veks trass i betydeleg innsats frå politiet, tyder på at politiet ikkje kan førebyggje og bekjempe slike miljø aleine, heiter det i eit styrevedtak frå KS.
Dei rår til dømes kommunane til å bruke plan- og bygningslova til å hindre at klubban byggjer festningar med høge gjerder.
- LES OGSÅ: Hells Angels fester grepet om Norge
16-17 norske kommunar har i dag kriminelle MC-klubbar. Det har tidlegare komme fram at totalt 28 MC-klubbar har sagt ja til å bli offisielle støtte-klubbar for Hells Angels i Norge.
Rådmannen i Kvinesdal er særs oppteken av å drive førebyggjing inn mot barn og unge for å hindre rekruttering inn mot MC-klubbane.