– Det er naturlege årsaker i forhold til litt lågt barnekull dette året. At vi får ein korreksjon på ti innbyggjarar har ikkje så stor betydning i det lange løp, seier kommunal leiar i Audnedal, Svein Hansen til NRK.no.
- LES OGSÅ: Agder-kvinner føder flest barn
– Vi ligg ganske godt an i forhold til målet. Ser vi dei 3-4 siste åra under eitt ligg vi i rute i forhold til målet. Når vi ser at mange tilflyttarar er unge folk, betyr det at barnetalet vil auke dei neste åra, seier han.
1660 i dag
I dag er det 1660 innbyggjarar i kommunen. Audnedal er ein av tre kommunar i Vest-Agder, som mista innbyggjarar i 2010. Også Åseral og Marnardal gjekk tilbake.
– Ser vi på statistikken i befolkninga i dei ulike aldersgruppene har vi forholdsmessig mange barn i forhold til kringliggjande kommunar, seier Hansen.
- LES OGSÅ: Får penger for å øke folketallet
Han er sikker på at kommunen vil nå målet om 2020 innbyggjarar om ni år.
– Vi har fleire prosjekt på gang for å nå målet om 2020 innbyggjarar. Vi tek kontakt med utflyttarar for å lokke dei tilbake. Vi har mange som har reist ut for å studere eller jobbe i andre kommunar, som vi gjerne vil ha tilbake igjen, seier han.
Lokkemiddel
Og kommunen har fleire lokkemiddel for å få folk til Audnedal.
– Dei under 35 år som byggjer eller kjøper bustad får 100 000 kroner i kontantutskot frå kommunen. Det er noko som har slått positivt ut, seier han.
- LES OGSÅ: Rekordhøyt folketall
– Vi har såpass mange kvalitetar i Audnedal at eg er sikker på at vi kjem til å ha ei positiv utvikling dei neste åra. Det er eg rimeleg sikker på, seier han.