Uroa for unge og gamle

Måndag vart nye takstar på eigedommane i Kristiansand offentleggjort. Dermed får eigarane vite kva dei skal betale i eigedomsskatt i 2011.

• LES OGSÅ: No får du vite kva du må betale
• DEBATT: Sei di meining om eigedomsskatten
• LES OGSÅ: Sjå kva kjendisane må betale

– For det første er eg uroa for at Kristiansand er i den situasjon at ein må krevje inn så mykje eigedomsskatt. For vi er i norgestoppen frå før. For det andre er eg uroa for dei yngste og dei eldste i kommunen, seier Solum til NRK.no.

– Det er ei hån

– Dei har sagt administrativt og politisk at dei får søkje bustøtte. Det tykkjer eg er ei hån. Eg er veldig betenkt på rettssikkerheita gjennom at ankenemnda kun består av politikarar som ikkje har fella peiling på eigedom i det heile, seier Solum.

Totalt skal Kristiansand kommune ta inn 257 millionar kroner på eigedomsskatt i 2011. Neste år skal dette aukast ytterlegare.

• SJÅ OGSÅ: Meir om takseringa (ekstern lenke)

– Ein av tre kommunar har eigedomsskatt. Ingen politikarar har fortalt med kva sektorar som er betre i Kristiansand enn andre stader. Vi er på ein lite flatterande førsteplass, seier Espen Solum.

Oppfordrar til å klage

Han oppfordrar huseigarar til å klage på eigedomsskatten.

– Alle som har ein dårleg magefølelse bør klage. Vi har oppretta eit eige klagenummer og kjem til å oppfordre til å klage. Vi har òg oppfordra politikarane til å trekkje seg frå ankenemnda og få rettssikkerheita på plass. Vi vil ha takstmenn inn i ankenemnda og ikkje avdanka politikarar, seier distriktsleiaren.