– Det er hensynet til samfunnet sitt vern mot slike valdsforbrytarar at det er naudsynt med forvaring, fordi vanleg tidsbestemt fengselsstraff ikkje vert sett på som tilstrekkeleg samfunnsvern, sa aktor Beate Rullestad-Jansen, ifølgje fvn.no.
- LES OGSÅ: Nekta å forklare seg
- LES OGSÅ: Tiltalt for forsøk på overlagt drap
Prøvde å drepe 40-åring
21-åringen er tiltalt for å ha forsøkt å drepe ein 40 år gammal mann frå Lillesand med fleire knivstikk.
Episoden fann stad i Lillesand i mai i fjor. 40-åringen vart stukke i nakke- og skulderregionen. Den tiltalte mannen er dømd for vald fire gonger tidlegare.
- LES OGSÅ: Mann knivstukket i Lillesand
– Tidlegare fengselsstraff har ikkje verka, og valden har berre eskalert og no endt opp med eit drapsforsøk, sa Rullestad-Jansen.
– Farleg mann
– Han er vil vere ein farleg person, og difor er det naudsynt med forvaring, sa ho ifølgje avisa.
Den tiltalte mannen har tidlegare nekta å forklare seg fordi han frykta represalier.
Den skada 40-åringen namnga 21-åringen til politiet same natt som knivstikkinga. I retten har han sagt at han ikkje hugsar kven som knivstakk han. Mannen skulda på at han var særs rusa.