– Ikkje noko problem å køyre

– Det er ikkje noko problem å køyre vidare, seier Kindt til NRK.no.

Nederlendaren har sommardekk på hengaren som er full av druer. Dermed vart han stoppa då han køyrde av danskebåten i Kristiansand.

Stoppa fleire vogntog

– Politiet sjekka kva dekk eg hadde. Dei stoppa flesteparten. Eg hadde ikkje vinterdekk på vogntoget, seier han.

Både han og kollegene ventar no på at vêret skal betre seg for at dei skal kunne køyre vidare. Fleire sjåførar er bøtelagde eller har mista sertifikatet. 17 vogntog fekk køyreforbod då dei kom med danskeferja.

• LES OGSÅ: Krev strengare grensekontroll
• LES OGSÅ: Fekk 11 000 i bot etter vegkaos

– No får vi sjå kva sjefen min seier. Eg trur eg kan halde fram med kjetting på sommardekka, seier han.

Likevel vedgår han at forholda var verre enn han hadde trudd før han kom til Norge.

– Livsfarleg

– Eg hadde ikkje venta så mykje snø. Eg såg ikkje vêrmeldinga før eg kom til Norge. Vanlegvis er det litt snø, men ikkje så mykje, seier han.

NRK.no snakka også med danske Henning. Han er glad for at politiet stoppar dårleg skodde vogntog på kaia.

• LES OGSÅ: Vil ha strengare krav til dekk
• LES OGSÅ: Utlendinger oftere i grøfta?

– Eg tykkjer det er heilt fint. Er ein ikkje godt nok skodd er det livsfarleg, seier han.

– Eg har vanlege piggdekk og kjem meg fram der eg skal. Eg treng nok kjetting på enkelte strekningar, seier han.

Protest mot utanlandske vogntog

Vogntog som vert ståande på norske vintervegar er ikkje noko nytt. Kvar einaste år må politi og bergingsbilar ut for å hjelpe utanlandske køyrety på sommardekk.

Sonni-Merete hauge frå Kabelvåg i Lofoten har starta ei gruppe på Facebook i protest mot dei mange utanlandske vogntoga som er dårleg skodde.

• LES OGSÅ: Vogntog-kaos nesten tre ganger om dagen

– Eg starta gruppa fordi eg er mor og redd for å få eit av desse vogntoga i fronten på bilen min. Dessutan er eg lei av at vegen er sperra på grunn av bilberging, har to tidlegare sagt til NRK.no.