No går prisane tilbake til normalen. Krigen har fått småbarnsforeldre til å gå av skaftet og fylle strasjonsvogner med dusinvis av bleiepakkar dei siste dagane før bleiekrigen vart avblåst.
– Eg har ei heil kjellarbod full. Så no kan vi eigentleg starte vårt eige utsal. Det er vanskeleg å seie, men det eit bra laget, eit par tusen kanskje, seier småbarnspappa Brede Johnsen til NRK.no.
Maks fire pakkar
For å sikre seg flest mogleg bleier har familiar sendt ut fleire familiemedlemmer då det var maks fire pakkar per kunde.
- LES OGSÅ: Tidenes priskrig på bleier
– Vi delte opp i omgangar. Fleire familiemedlemmer vart sendt ut, seier han.
Robin Olsen ved Kiwi i Kristiansand stadfestar at priskrigen har vore populær.
– Vi hang opp varselskilt om at det etter nyttår er tilbake til gammal ordning. Siste dagen var det heilt vilt, seier han.
Over 350 millionar bleier vart selt i Norge i fjor. Berre på Sørlandet vert det bytt rundt 2000 bleier i timen.
11,70 per pakke
– Det er lenge sidan bleiene har vore så billege som dei har vore til no. For ti år tilbake låg prisane på omtrent 75 kroner per pakke. På det billegaste no har det vore nede i 11,70. Så det har vore ekstreme prisar, seier marknadssjef i Libro, Trond Sandstrøm.
- LES OGSÅ: Nekter hamstring av bleier
Han er usikker på når ein kan vente seg liknande prisar i framtida.
– Det veit vi ingenting om. Men det er nok ei stund til ein kan oppleve liknande prisar vil eg tru, seier han.
