– Prosjektet går ut på at den enkelte som treng heimebaserte tenester kan gjere eit endå større val av kven som skal levere tenesta heim til seg, seier ordførar Per Sigurd Sørensen til NRK.no.
Skal velje sjølve
Sørensen peikar blant anna på at brukarane skal kunne velje sjøve kven som skal komme. Det private omsorgsfirmaet Din Omsorgspartner har levert anbor, og ordninga kan snart starte.
– Dette handlar om respekt og verdighet til den som skal få tenesta heim til seg, seier han.
Sørensen utelukkar ikkje at fleire sektorar kan tilby noko av det same i framtida.
– Må ta lærdom
– Eg håpar at dette er starten på noko og at vi kan levere endå betre tenester til innbyggjarane i byen, seier han.
– No startar vi med dette. Så får vi sjå kva det blir til. Vi må starte ein stad, så må vi ta litt lærdom og sjå korleis anbodsproblematikken vert løyst. Eg trur vi har ein del å lære før vi er der vi vil vere, seier Sørensen.
