Før sesongen vedda Kleiven på at han kom til å score 10 mål i serie og cup. Kleiven enda på 9 mål og får ikkje moglegheit til å putte sitt tiande i siste serierunde på grunn av ein skade.
- LES OGSÅ: Kleiven jaga av elg
Strekkskada
– Eg skulle gjerne ha spelt på søndag, men eg har spelt 25 kampar og scora sju mål i serien og to mål i cupen. Det er over all forventning så eg er nøgd med sesongen uansett, seier Kleiven til fvn.no.
Midtbanespelaren pådrog seg ein strekk i sist kamp borte mot Odd Grenland. Dermed må Start-talentet springe naken over den 618 meter lange brua i Kristiansand.
- LES OGSÅ: Kleiven trur på 2010
– Eg er klar til å springe, men har fått beskjed om å vente til eg er kvitt strekken. Det er berre å gratulere kamerat Øyvind Skjeggedal som eg vedda med, seier Kleiven til avisa.
– Håpar ikkje alt stivnar
Christer Kleiven skal springe mot trafikken. Dato er endå ikkje sett.
– Det er uaktuelt at nokon skal slakke ned og køyre ved sida av meg medan eg spring, seier han.
- LES OGSÅ: Årets vakreste sleivspark av Kleiven?
– Eg er vand med å springe over brua, men når eg skal springe naken stivnar eg sikkert. Eller eg får håpe at ikkje alt stivnar, seier han.