– Det føyer seg vel inn i rekkja av reaksjonar på denne fredsprisutdelinga. Vi får ta det som ein del av det. Vi er slik sett i godt selskap, det er mange ting som har blitt avlyst, seier Sørensen til NRK.no.
- LES OGSÅ: Støre åtvara jagland før utdelinga
- LES OGSÅ: Fredsprisen kan føre til problem
Venskapsavtale
Delegasjonen kjem frå kommen Yangzhou i Kina. Kristiansand har tidlegare besøkt kommunen og målet er å inngå ei venskapsbyavtale med kinesarane.
– Dei skulle komme til Noreg og Kristiansand på tysdag. Vi hadde planlagt møter og invitert dei med på middag på kvelden og fekk no beskjed om at dei hadde blitt bede om å returnere til Kina umiddelbart, utan å legge vegen om Noreg, seier ordføraren.
- LES OGSÅ: Alt om Nobels fredspris 2010
– Veit du kven som ba dei om å droppe Noreg?
– Nei, det har vi ikkje fått informasjon om, men det er vel truleg leiinga deira i Kina, som meiner at ein tur til Noreg akkurat no ikkje er å prioritere, seier Sørensen.
Meiner utdelinga er ein skam
Kinesiske styresmakter har protestert mot prisutdelinga til Liu Xiaobo. Kinesiske styresmakter meiner den fengsla demokratiforkjemperen er kriminell og at utdelinga er ein skam.
- LES OGSÅ: Kina er misfornøyde med fredsprisen
- LES OGSÅ: Dette er Liu Xiaobo
Men sjølv om kristiansandbesøket vart avlyst, trur ikkje Sørensen løpet er køyrt med tanke på å bli vennskapsby med kinesarane.
– Eg trur dette er ei politisk markering, som skjer nokså umiddelbart. Så vil ting normalisere seg om ikkje lenge. Eg trur dette berre er for å gi uttrykk for reaksjonen sin på dette. Så blir ting normalt om ikkje så lenge, seier ordføraren.
