– Eg snakka med nabodama på 74 år. Ho sa ho ikkje kunne hugse at det har vore så mykje regn nokon gang, seier Kjørkleiv til NRK.no.
- LES OGSÅ: Sørlandsbana stengt etter jordras
- LES OGSÅ: Uvêret herjar på Sørlandet
Kjørkleiv fortel at vegane til huset stort sett har vore fylte med vatn frå tidleg morgon og fram til i kveld, ifølgje fvn.no.
Stengde vegar
– Vi har to vegar opp her, og begge har vore meir eller mindre stengde i heile dag. Så vi har ikkje kunne komme oss rundt med bilar. Heldigvis har vi ein god gammal veg som det går såvidt å køyre på. Hadde det regna litt til trur eg vi hadde vore heilt innelåst, seier han.
Førebels har han ikkje registrert skader som følgje av vassmassane.
- SJÅ OGSÅ: Bilete frå uvêret
– Det har iallefall ikkje komme vatn inn i huset, seier han.
Møtte tømme vassmålaren
– Dersom dette held fram i natt vert det vanskeleg å komme seg på jobb i morgon tidleg. Men no har det heldigvis slutta å regne, seier han.
– Eg snakka med ei tante som bur nedanfor her. Ho har ein vassmålar på verandaen som ho har måtte tømme to gonger i dag. Den går opp til 40 millimeter, så det har komme 80 millimeter på kort tid, seier han.
– Heldigvis har det roa seg no. Så eg håpar det er betre i morgon, seier han.
