Eit dykkarteam på Sølyst like under Bybrua, det var i nærleiken av dette ulukka skjedde
Foto: Ingvald Nordmark / NRKPolitiet fekk melding om ulukka klokka 19.08.
– Det var fleire båtar ute i ein seglas arrangert av Stavanger seilforening. Den eine båten kollsegla, og blei liggjande opp ned på sjøen, opplyser Karsten Tendenes, operasjonsleiar i Rogaland politidistrikt.
Frakta til SUS
Det var to ungdommar om bord i denne båten. Den eine, ein gut på 15 år, var festa til båten og blei hengande fast under.
– Han er nå tatt i land, og frakta til Stavanger universitetssjukehus i ambulanse. Foreldra er varsla, og me har kalla inn kriseteam, seier Tendenes til NRK.no like før klokka 20.00.
Etter det NRK kjenner til skal 15-åringen ha vore eit par minutt under vatn, før han blei berga opp.
– Kritisk skadd
Guten er alvorleg skadd, og tilstanden er stabil, opplyser sjukehuset til Stavanger Aftenblad seint torsdag kveld. Ifølge sjukehuset er tilstanden uendra fredag morgon.
Det skal ha vore om lag ti medseglarar under seglearrangementet.
Politi, brannvesen og ambulanse rykka ut til Sølyst i Stavanger etter melding om ein ungdom som hadde hamna på sjøen.
Foto: Ingvald Nordmark / NRK
