Yme blir det første gjenopna feltet på norsk sokkel nokon sinne. Det ambisiøse prosjektet, som oljeselskapet Talisman står bak, skulle ha ein prislapp på 4,8 milliardar kroner, men nye estimat syner at prisen kjem til å bli på om lag 9,6 milliardar.
- Les òg:
- Les òg:
Rekna med lågare oljepris
Dette er ei prisoverskriding på meir enn 100 prosent. Likevel kjem det til å bli eit lønsamt prosjekt seier kommunikasjonssjef Andreas Middelthon i oljeselskapet Talisman.
– Det er veldig beklageleg at prosjektet har blitt så mykje dyrare. Det vil nok likevel summera seg betre enn det ser ut når ein skal sjå på prosjektet over tid.
Han seier at det har blitt rekna med lågare oljeprisar enn det faktisk kjem til å bli, og at det også er gunstig for økonomien at plattforma er eit leigeobjekt.
Det er nye røyr og brønnar på havbotnen som har stått for det meste av kostnadssprekken.
- Les òg:
- Les òg:
10 prosent total kostnadssprekk
Totalt er det ein kostnadssprekk på 10 prosent på norske oljeprosjekt som er under utbygging.
Det er på Yme ein finn den største sprekken i prosent, medan det er i vidareutviklinga på Valhall ein finn den dyraste overskridinga på heile 18,6 milliardar kroner, i prosent er det ein auke på 76,2.
Prosjekt som blir billigare enn planlagt gjer at den totale kostnadssprekken på prosjekt under utbygging ikkje blir på meir enn 10 prosent. Noko som utgjer 28,98 milliardar kroner.
Dei største prisoverskridingane i prosent:
(Kjelde: Statsbudsjettet 2012)