Leiaren i velforeininga Straen har varsla både politiet og kommunen. Inge Anda meiner nemleg at arrangørane av volleyballturneringa, , i Stavanger har alt for liten toalettkapasitet.
– På gode kampar kan det vera omlag 4500 - 6000 mann, og når desse skal på do ender det ofte opp med at fleire bruker smau, hagar og trapper, seier Anda.
Han legg til at desse sjeldan er sjenerte.
– Har nok kapasitet
Robert Bjørklund er teknisk leiar for arrangementet i Stavanger, og han meiner at toalettkapasiteten er stor nok.
– I fjor var det VM og mykje meir folk enn det vil koma i år, likevel har me like mange toalett som i fjor, seier han.
(Artikkelen held fram under bilete)
Teknisk leiar Robert Bjørklund, meiner at dei har nok toalett.
Foto: Øystein Otterdal / NRKEit alt for fint pissoar
– Kan du garantera at Gamle Stavanger ikkje vil fungera som pissoar for publikum?
– Eg kan ikkje garantera noko, for når ein del folk har fått seg litt øl, kan det henda at dei fell for freistinga det er å ta den kortaste vegen.
Han seier at dei som arrangørar skal gjera det dei kan for å unngå dette, sidan Gamle Stavanger er alt for fint til å vera pissoar.
– Me skal ha tilstrekkeleg med toalett, og at det også det som er kravet til slike arrangement.
– Tek det ikkje på alvor
Inge Anda har vore i møte med arrangørane av Grand Slam Stavanger, men han har ikkje fått vita kor mange toalett dei skal stilla med.
Han meiner at dei ikkje tek dette problemet på alvor.
– I fjor stod folk i kø for å gå inn i eitt av smaua for å tissa, slik vil me ikkje ha det, seier Anda.
