Vatsfjorden var rustraud på grunn av ufarleg plankton slår NIVA fast

Mange har vore urolege for utslepp i Vatsfjorden etter at sjøvatnet i helga blei farga raudt. Ein farge som kom tilbake same stad på tysdag.

• Frykter utslipp

Då raudfargen vart oppdaga, blei vassprøvar straks innhenta, og i dag kom gladmeldinga frå NIVA (Norsk institutt for vannforskning).

– Mange har vore urolege, derfor er det bra at dette var ein ciliat i symbiose med ein raudfarga ufarleg alge. Visstnok skal ikkje dette vera eit uvanleg fenomen, seier fylkesmiljøvernssjefen som har motteke resultata frå NIVA.

Derfor blei sjøen raud

Jensen meiner også at fenomenet i Vatsfjorden er svært interessant.

Ciliaten som NIVA fann store mengder av i vassprøvane lev i symbiose med ein type alge, denne har djupraude pigmenter. Ciliaten kan også symja så mykje som 40 meter i døgnet.

Når mange av desse i løpet av kort tid søkjer mot overflata, vil sjøen få ein raud farge. Fenomenet oppstår når konsentrasjonen av algane er høg, noko den blir viss det er god tilgang på næringssalt.

Når algane trekk mot djupet og spreier seg meir, forsvinn fargen.

• LES ÒG: Tror naturfenomen ga rød Vatsfjord
• LES ÒG: Nytt rødbrunt flak i Vatsfjorden

Kart