– Det er svært viktig at folk brukar folkevit og er forsiktige i desse dagar når brannfaren er så stor som den er, seier 110-operatør i Brannvesenet Nord-Rogaland, Kjetil Gjerde.
For det er lite som skal til. Politiet sin teori om brannen som braut ut i Vindafjord onsdag ettermiddag er at ei varm sag skal ha sett fyr på graset.
Her er skogbrannfaren nå størst:
Full og oppdatert oversikt får du på YR.
– Fleire brannar
– Det føregjekk kapping av tre for å klargjera terreng i samanheng med hjortejakta, ei sag skal ha blitt så varm at den kan ha sett i gang skogbrannen på Vikebygd, opplyser jourhavande ved Haugaland og Sunhordland politidistrikt.
Brannvesenet fekk heldigvis med god hjelp frå naboar kontroll på brannen før den fekk spreidd seg skikkeleg.
– Me har dei siste to vekene hatt fleire brannar i gras, lyng og skog. Heldigvis er det framleis litt fuktig om nettene slik at brannane ikkje spreiar seg så raskt, men nå blir det berre tørrare og tørrare, seier Gjerde.
I i Eidskog i Hedmark blei det vanskelegare å få kontroll på brannen, der blei heile 200 mål skog råka av flammane.
Brannvesenet klarte likevel å unngå at brannen spreidde seg til storskogen, noko det lenge var fare for.
- Les òg:
- Les òg:
– Sjeldan så stor skogbrannfare så tidleg
Meteorologisk Institutt reknar ut skogbrannfaren for 100 stader i Norge. Tabellen deira viser at det er stor skogbrannfare fleire stader i landet.
– Det er sjeldan at skogbrannfaren er så stor, så tidleg, seier Per Døviken i brannvesenet i Drammensregionen.
– Me ber folk om å vera obs nå framover i påsken. Det vil sei at dei må vera forsiktige når dei er i utmarka. Det er viktig å ta forholdsreglar når det gjeld bruk av grill, mellom anna.
– Neste gong det byrjar å brenne kan det henda at brannen spreiar seg for fort for oss på grunn av det tørre vêret, då kan utfallet bli mykje verre, seier Kjetil Gjerde i Brannvesenet Nord-Rogaland.