Bondefamilie mot straumen

I dag kom dei to siste kyrne til gards på Salte på Jæren. Buskapen tel nå 30 dyr.

Dermed er driftsbygningen på Salte fylt opp for første gong sidan 1959.

– Eg har alltid hatt lyst å begynna med kyr. Og så tenker eg litt sånn at kvifor skal eg sitja på gamleheimen og angra på at eg ikkje prøvde, seier Arthur Salte.

• LES OGSÅ: Satser på økt kjøttproduksjon i Rogaland
• LES OGSÅ: Vil ikke ha noe Listhaug-fjøs

Heile familien er med

Salte er bonde mot straumen når han tar til med mjølkeproduksjon. I løpet av dei ti siste åra er talet på mjølkebønder redusert frå 23 000 til 9 000.

Med på mjølkelaget har han kona Marit Salte.

– Det hadde aldri gått utan henne, så me er i lag om dette, seier han.

• LES OGSÅ: Mener bondeflukten er i gang

Millioninvestering

Familien Salte har investert millionbeløp i ny driftsbygning og buskap, sjølv om dei veit at dei tar ein stor økonomisk risiko.

– Det er viktig å gjera det ein har tru på sjølv, gå for det og stå for det, meiner Arthur Salte.

Også sønene til Arthur og kona Marit er med på mjølkesatsinga.

– Eg trur det er viktig at dei får vera med oss i kvardagen og sjå at det er positive og negative sider med å arbeida. Dei lærer å ta i eit tak, seier Marit Salte.