Familien til den døde har gitt samtykke til at politiet nå kan offentleggjera namnet. Kollegaer ved tollvesenet på Karmøy er også informert.
Politiet sine krimteknikarar har i natt undersøkt båten der ein mann i 50-åra blei funnen livlaus. Båten er registrert på Færøyane.
Foreløpig er det ingenting i politiet si etterforsking som tyder på at det har skjedd noko kriminelt. Politiet opplyser at den omkomne mannen blei funnen i eit rom i ein tank på båten.
– Den døde har skadar som tyder på fall ned i eit rom med lågt oksygeninnhald. Ein etterforskar saka førebels som ei ulykke, men me ventar på obduksjonsrapport, skriv politiet i ei pressemelding måndag.
– Ein etterforskar saka førebels som ei ulykke, men ventar på obduksjonsrapport. Den døde skal obduserast i morgon, tysdag 21. oktober, skriv politiet vidare i pressemeldinga.
Den norske tollaren skulle saman med to andre kollegaer kontrollera ein færøysk båt i går kveld. Båten heiter «M/S Heidi» og ligg til kai i Kopervik.
Det var i samband med denne ordinære tollkontrollen at dødsfallet skjedde. Tollarane er tilknytt Haugesund tollstad.
Det er ingen vitne til hendinga, ifølge politiet.
Karmøy lensmannskontor har sett i gang ordinær etterforsking av saka og Arbeidstilsynet og Sjøfartsdirektoratet er varsla.