Hopp til innhold

- Betre middag enn heime

Bygdelag med eit uvanleg tiltak for å styrke samhaldet.

- Det er betre niddag enn heime
Foto: Petter Melsom / NRK

Folk i bygdene frå Smørklepp til Bøgrend i Vinje har starta eit uvanleg og svært originalt bygdemobiliseringsprosjekt.

- Det er luksus å ikkje laga maten sjølv, seier Heidi Haugland.

Kvar mandag etter arbeidstid er det middag på samfunnshuset Vinjar for alle som vil og kan.

Video nsps_upload_2009_6_2_11_37_0_176.jpg
Denne videoen er dessverre ikke tilgjengelig. Kontakt oss dersom du har spørsmål.

Aasmund Nordstoga på middag på Vinjar

Se video: Luksus på bygda

Styrke samhaldet

Bygdelaga langs Vinjevatn strekker seg over meir enn ei mil, og heller ikkje i eit samfunn som dette er det sjølvsagt at alle kjenner alle.

- Vi er innflyttarar til bygda så det er koseleg og bli kjent med andre, seier Heidi Haugland.

Målet er å styrke samhaldet mellom dei som bur i området.

- Nå er terskelen litt lågare for å snakke med folk du møter på butikken, seier Aasmund Nordstoga. Han flytta tilbake til Vinje for fem år sidan.

Stinn brakke

Kokkelaget har ansvar for å skaffe middag. På Vinjar er det stinn brakke. Det vil seie meir enn 60 personar.

- Her er det betre middag enn heime, seier Lars Olav Bekhus. Han er fast gjest saman med mor Anne Råmunddal.

Barnehagen ligg i nabobygget, og gjer fellesmiddagen i Vinje til ein møteplass for alle generasjonar.