- Forslaget er ikkje muleg i følge vallova. Det ein kan gjere er å gje ungdomsrådet tale- og forslagsrett. Det er lite sannsynleg at dette punktet i vallova vil bli endra, seier Todal Jenssen.
- Forvirrande
Valforskaren meiner teksten i brosjyra der saka kjem er forvirrande:
- Eg syns formuleringa er forvirrande for velgarane, fordi dette er noko kommunestyret på Ørlandet ikkje kan gjere.
Valforskar Anders Todal Jenssen trur ikkje AUF og Ap i Ørland kommune får forandra vallova med det første.
Foto: Sigurdsøn, Bjørn / ScanpixHeile partiet står bak
Ordførarkandidat for Arbeidarpartiet i Ørland kommune, Knut Morten Ring seier heile partiet står samla bak forslaget:
- Det handlar om å ta ungdom på alvor.
- Korleis skal de få til stemmerett for ungdomsrådet?
- Det veit vi ikkje enno, dette er eit ønske frå ungdommen sjølv. Korleis det skal gjennomførast har vi ikkje klart for oss, men det som er veldig viktig, det er å ta unge på alvor. Er det slik at vi må endre lovverket for å få til det, så får vi jobbe for forandring.
- Lureri
Ordførarkandidat for Høgre i Ørland kommune, Torhild Aabergsbotten meiner dette er reint lureri:
- Det blir heilt feil å prøve å lokke til seg ungdommen med løfte om makt og mulegheit til å kunne påverke, det blir å lokke med noko dei ikkje kan få.
