200 vaksinert på ein time

– Vi kunne greidd inntil 300 pasientar i timen, det var det vi hadde rekna med at vi måtte greie, seier Solveig Dybvik som er ansvarleg for vaksineringa ved Valentinlyst legesenter i Trondheim, til NRK.

Pensjonistar hjalp til

16 helsearbeidarar ved Valentinlyst legesenter i Trondheim stod klare til å ta imot folk som ville vaksinere seg mot svineinfluensaen, då massevaksineringa starta i dag tideg.

• 1 000 blir stukket i dag

Dette var legar, sjukepleiarar, helsesystre og pensjonerte helsearbeidarar som kalla inn for å hjelpe til å ta unna køen.

– Vi visste ikkje heilt kor mange som kom, men køen no ser veldig liten ut no i forhold til det vi hadde venta oss. Vi fekk raskt køen unna i dag tidleg, seier
assisterande kommuneoverlege i Trondheim, Leif Vonen, til NRK.

• - Flere bør vaksinere seg

8 000 vaksinar

Trondheim har nyleg fått 8 000 doser for å vaksinere bebuarar i bydelane Lade, Lilleby, Strindheim og Valentinlyst.

– 200 vaksinar i timen er mykje meir enn vi hadde rekna med, så her er det god plass til dei som kjem, seier Vonen.

John Tørhaug var ein av dei som hadde møtt fram på Valentinlyst for å få vaksinen.

– Dette gjekk over all forventning. Det var veldig greit å sleppe inn så raskt, seier Tørhaug.