- Me har hatt med omlag 20 karar på ski som har sett utfor toppar som Grånipa, Togga, Frudalshesten, Storehogen, Badnakona og Sogndalseggi i tillegg til eit par toppar eg ikkje trur har nokon namn, seier Tor Yttri, sjefen for Fjellsportfestivalen i Sogndal.
Bilete til guidebok og DVD
Opptaka og bileta frå i går skal mellom anna brukast til ei guidebok om toppturar i Sogndalsdalen, Jostedalen og Vest-Jotunheimen. Og til ein dvd om festivalen, og til eit tv-program om Fjellsportfestivalen som skal sendast på NRK1 6. april.
- Veret var ikkje perfekt før Fjellsportfestivalen, og sjølv om det vart bra under festivalen ville me ikkje ha helikopterflyging i Sogndalsdalen då, seier Yttri.
- Men er ikkje heliopterflyging eit forstyrrande element i eit slikt fjellområde?
- Me valde å gjera det slik for å få så gode bilete som råd for å visa fram området vårt. Men me har passa på å ikkje leggja opptaka til ein kvardag for ikkje å uroe dei mange som går fjellturar her i helgene, seier Yttri.