Merk av din favoritt i skjemaet under og trykk stem. Du kan også sende epost med namnet til din favoritt i emnefeltet. Du kan maks røyste ein gong i døgnet, og sende totalt sju epostar per melodi. Siste frist for å røyste er torsdag 15.oktober klokka 10.00. Sendinga høyrer du same dag klokka 11-13. Under sending røyster du på SMS med kodeordet LUTT til 1987 medan vi spelar din favoritt i tre minutt.

AVRØYSTINGA ER STENGD

Sjå resultatet frå Fylkestoppen i september her.

Maria Helgesen

"The Orchid Of My Collection" var utfordrar til Fylkestoppen i april, og kom rett inn på andre plass. Førre månad vann ho Fylkestoppen. Maria Helgesen frå Selje har tonesett og syng songen. Lars-Rune Alvsaker skreiv teksten då mor hans Reidun døde av kreft. Låta er spelt inn i YFM Studio i Bergen og produsert av Erlend Fauske og Hans Christian Helgesen. Helga Helgesen er med og korar på melodien.
Orchid of my collection - Maria Helgesen
fylkestoppen@nrk.no

Tonereise

Gruppa Tonereise frå Luster er kjent for å blande tradisjonsmusikk med meir moderende tonar. Etter suksess med debutplata Arven i 2007, er no plate nummer to, Lekmann, like om hjørnet. Dei tok andre plassen som utfordrar til fylkestoppen i september. Den nye plata har teke Toneriese eit steg vidare i den musikalske reisa, seier vokalist og gitarist Erling Vigdal. Den Gløymde Steinen heiter melodien du kan røyste på.
Den gløymde steinen - Tonereise
fylkestoppen@nrk.no

Ada and the deadlocks

Tina Førde Refsnes frå Florø ønsker seg mest av alt ei musikalsk kariere. Nett no går ho på den såkalla Paul McCartny-skulen i Liverpool. I lag med bandet sitt, Ada and the Deadlocks har ho turnert kring i England, spelt inn musikk på cd, og vorte intervjua av BBC som ei kommande popstjerne. Ho var utfordrar i september, tok ein tredjeplass og er no klar for sin andre månad med songen "Put Your Heart Away" frå debutplata "Trust."
Ada and the deadlocks - Put Your Heart Away
fylkestoppen@nrk.no

Glima

Honndølen Torunn Raftevold Rue spelar hardingfele i trioen Glima som er ute med ny plate. I mai gjekk dei rett inn på andreplass på Fylkestoppen. Låta deira er ein Jølstraspringar etter Johannes Nedrebø, frå den nye plata "Tårån,"som også er nominert til Folkelarm 2009 . Torunn Raftevold Rue er kanskje mest kjent som ei av dei sju Honndalstausene, som feira 25-års jubileum sist haust. Men ho har også 12 år bak seg i samspel med Ragnhild Knudsen og Helene Waage i Glima som har base i telemark.
Jølstraspringar - Glima
fylkestoppen@nrk.no

Utfordrarar:

Håvard Lothe

Håvard Lothe er første utfordrar til Fylkestoppen i oktober. Florømusikaren prøvar seg på fylkets einaste plateliste med songen "Oceans between" frå den nye plata Dorian Grey. Platemeldar i NRK P1, Atle Bredal gav seks av ti moglege poeng til plata. Lothe spelte nyleg for 40.000 på ein stor festival i Kina, og har akkurat avslutta ein lanseringsturne i Norge.
Håvard Lothe - Oceans between
fylkestoppen@nrk.no

Steinar Engelbrektson band

Dansebandet er andre utfordrar til fylkestoppen 15.oktober. Dei ukrona dansebandkongane frå Nordfjord har stor suksess med si femte langspelplate. Plata som har fått tittelen " Minna som eg har" var i førre veke inne på 10-plass på den norske VG-lista. Bandet har så langt solgt over 6000 eksemplar av den nye plata. På Fylkestoppen prøver bandet seg med melodien "Den gamle fela."
Steinar Engelbrektson band - Den gamle fela
fylkestoppen@nrk.no

Anne Grete Helgheim

Anne Grete Helgheim er tredje og siste utfordrar til neste fylkestopp. 32-åringen avla eksamen ved Paul McCartney skulen i vår, og satsar no vidare på ei karriere i England. Musikken hennar er godt prega av oppveksten i folkemusikkmiljøet i Jølster. Anne Grete Helgheim syng, spelar gitar og skriv musikk som snart skal bli plate. I januar går ho i studio for å starte innspelinga i lag med musikarar som ho traff under studiane ved Liverpool Institut of Performance Art.
Anne Grete Helgheim - Light one and dark one
fylkestoppen@nrk.no