Før sommaren har bandet konsert på heile 12 av 20 dagar.
Lagar ny plate
- Vi skulle eigentleg spele tre gonger i månaden. Men det vart eit veldig hiv med jobba, så det blir travelt.
Spele på ungkarsfestival
Engelbrektson gler seg kanskje aller mest til å spele på ungkarsfestivalen i Suldal.
- Hjelpe meg for eit liv. Vi har spelt der ein gong før, og det er eit hærleg liv framfor scena. Utagerande festing kan ein nok kalle det.
Knapt med tid
Samstundes jobbar gruppa hektisk med å spele inn den nye plata si, som etter planen skal komme ut til hausten.
- Blir det tid til å gå i studio med så mange spelejobbar?
- Ja, det håpar vi på. Det er ikkje så mange jobbar på måndag, tysdag og onsdagar. Vi prøver å bruke dei dagane i studio.
Smakebit frå den nye plata
Bandet har no klart den første smakebiten frå den kommande plata. Alle vil til himmels heiter singelen du kan høyre på radio på førsommaren.
- Dette er ein dansbar countrylåt slik som ein kjenner frå tidlegare. Tekst er laga av Bjarte Haugen og melodien er det Trond Ile som har skrive, fortel Engelbrektson.