 | | Praktfulle Sogn møtte kongen Publisert 09.06.2002 20:23 - Oppdatert 09.06.2002 20:52 Sogn viste seg frå si beste side då kongen og dronninga starta si ferd langs Sognefjorden søndag. Det heile starta med turen ned langs Flåmsbana.
 | | (Alle foto: Ragnvald Søgnesand, NRK) |
Den stupbratte bana er ein turistattraksjon av dimensjonar, og låg bada i sol då kongeparet reiste nedover tidleg søndag. Undervegs la dei sjølvsagt inn ein stopp ved den spektakulære Kjosfossen der huldra sjølvsagt viste seg fram.
Klokka 1047 rulla toget inn på Flåm Stasjon der dei fekk høyre Flåm musikklag spele eit vers av "Fagert er landet". Etter jubileumsgudstenesta i Vangen kyrkje og sogespelet framført av dei unge skodespelarane var det folkefest på Aurlandsvangen.
Der fekk dei kongelege gjestane ei korg med tradisjonsmat - kvit og brun geitost, geitepølse, aurlands syltetøy, fløytelappar, grillmat, aurlandske kjøtbollar av lam og fleire andre delikatessar. I tillegg fekk dei sjølvsagt kvar sitt par Aurlandssko før dei forlot Aurland i kongeskipet.
| |
|
