| | Gamalost til Sonja Publisert 21.05.2002 15:05 Eit av dei meir spesielle produkta kongeparet skal få smake i Sogn, er gamalosten i Vik. Kong Harald er faktisk æresmedlem i Norsk Gamalostlag.
– Dumt spørsmål, seier meieristyrar John Inge Sørland når vi spør om han skal servere gamalost til dronninga og kongen når dei kjem innom meieriet på turen til Vik.
– Vi har tenkt å nytte Gamalostfestivalen til å prøve ut ein del variantar. Når den er over så sit vi oss ned og finn ut kva som var aller best, og så serverer vi det til dei kongelege gjestane, seier Sørland som er litt usikker på om Tine leverer noko særleg av den spesielle osten til Slottet.
Æresmedlem i gamalostlaget– Om dronninga likar den, veit eg faktisk ikkje. Men Kong Harald er faktisk æresmedlem i Norsk Gamalostlag, seier Sørland som ikkje er redd for negativ reklame viss produktet ikkje skulle falle i smak.
– Dei to er så profesjonelle at eg sikker på at det skal gå greitt, seier han.
Under besøket i verdas einaste gamalostmeieri skal det også opnast eit eige visningssenter som viser osten si historie.
| |
|