|
|
|
|
Leksikonredaktør:
Nettansvarleg:
Distriktsredaktør:
Copyright:
NRK Sogn og Fjordane
|
|
| |
Industri og næring i Vågsøy: Brunsviks Eftf. | Brunsviks Eftf tok over dette huset i 1918. Foto: Ottar Starheim |
Brunsviks Eftf. er eitt av dei eldste handelshusa i Måløy, grunnlagt av lærar Ola Brunsvik i kjellaren til Rasmus Lødøen på Midtgård. Publisert 06.05.2004 14:18. Oppdatert 19.12.2006 14:28.
Ola Brunsvik hadde vore ein tur til USA før han satsa på forretningar i Måløy. Simon Midtgaard arbeidde ei tid som handelsstyrar hjå Ola Brunsvik, og vart bydd å ta over forretninga. I staden valde Simon Midtgaard å starta eigen butikk og fiskehandel saman med broren Arnt. Ola sin son Ludvig Brunsvik hadde vore ein tur i USA og kom no inn i firmaet.
| Brunsvikhuset (lengst til h.) under bygging i 1914 |
Abraham Verlo vart teken opp som kompanjong i firmaet, og i 1918 tok firmaet over eit digert trehus på 3 ½ etasjar som Reiel Eldevik hadde kjøpt på den gamle handelsstaden Osmundsvåg og sett oppatt ved Gate 1 i Måløy. Huset står framleis (2005), og vert brukt av Brunsvikfirmaet som forretningsgard. Her har det gjennom tida hyst ei mengd forretningar, eit meieri og mange bustadhusvære.)
| Brunsvik-buda. Foto: Ottar Starheim |
Brunsvik Eftf. har drive ass. landhandel, skipshandel, sportsforretning m.m.
På 1970-talet bygde firmaet eit stort forretningsbygg på andre sida av Gate 1 der det m.a. har vore sportsforretning og lokale for Vinmonopolet.
|
|
Finn fram i Fylkesleksikonet!
|
|
| |
|
SOGN OG FJORDANE FYLKE, TEMASIDER
|
|
|
Den første kongen i Noreg, Harald Hårfagre, var sogning. Han vaks opp på Husabø på Leikanger, der mora kom frå.
Les meir om kong Harald Hårfagre og landsamlinga og om slekta hans i Sogn.
| |
|
Den 23. juli 1810 gjekk to engelske krigsskip til åtak på ei lita, norsk flåteavdeling ved øya Silda sør for Stad og tok det norske mannskapet til fange. Dagen før hadde engelskmennene herja i Ervik-bygda på Stad. Kvifor gjekk den mektige engelske marinen til åtak på skrøpelege, norske kanonjollar i Ytre Nordfjord?
| |
|
Då den første dampdrivne fiskebåten, ”Activ”, gjekk ut frå Ålesund i 1885, innvarsla det ein ny epoke for norske fiskeri: Havfisket. Dei store skipa gjorde det mogeleg å utnytte fiskeressurane langt til havs. Kring 1910 hadde Sogn og Fjordane 20 slike store fiskedampskip. Fleire av dei vart brukte i aktivt fiske heilt fram på 1960-talet.
| |
|
Frå 1920-talet og fram til like etter krigen fekk Sogn og Fjordane i alt 623 nye gardsbruk. Selskapet Ny Jord spela ein aktiv rolle i nydyrkingsarbeidet i mellomkrigskrigtida, og særleg merka Jølster seg ut som den store nydyrkingskommunen med 57 nye bruk.
| |
|
I mellomalderen låg det ei kyrkje på Utvær. Utvær ligg åtte km vestanfor dei andre øyane i Solund, og er det vestlegaste punktet i Noreg som har vore busett. Kvifor vart det bygd eit gudshus bokstaveleg tala midt ute i havet?
| |
|
Sjalusi er diverre eit klassisk drapsmotiv. Slik var det også for tenestejenta Sigrid i Vetlefjorden ein gong på 1600-talet då ho la sin elsk på husbonden på garden. Men for å kapre han måtte ho få kona av vegen, og til det trengde ho hjelp.
| |
|
Ingen fylke i landet hadde så få medlemmer av Quislings Nasjonal Samling som Sogn og Fjordane. Berre 396 fjordingar og sogningar var medlemmer i NS under 2. verdskrig, og mange av desse var innflyttarar og unge jenter som hadde kontakt med tyskarane. Fleire kystkommunar var så godt som frie for NS-folk.
| |
|
I 1763 vart Joachim de Knagenhjelm utnemnd til den første amtmannen i Sogn og Fjordane. Det første han gjorde, var å flytte heim til mor på Kaupanger hovedgård. Men berre åtte år seinare vart Knagenhjelm nærmast tvangsflytta til Nord-Noreg. Kvifor?
| |
|
|
|
|