Dale, Flahamar og Nes
Nes fekk fastskule i 1861 i leigde lokale, og eige skulebygg i 1869. Nes fekk nytt skulehus i 1914. Ungdomslaget fekk kjøpe materialane i det gamle huset og reiste av dei ungdomshuset "Vårsol" i 1930.
Flahamar
fekk skulehus i 1864. Dette vart utvida i 1904. Frå 1934 var det ved fleire høve på tale å slå Flahamar saman med Dale krins, utan at framlegga vann fram.
Lustra-bygda fekk ein slags fastskule i klokkargarden alt i 1741.
Sørheim
vart skilt ut frå Dale som eigen skulekrins i 1877, og fekk eige skulehus. I 1968 vart krinsane Nes, Flahamar og Dale sentraliserte til ny skule på Dalsøyri.
Ny skulebygning stod ferdig i Dale i 1992. Bygget vert også nytta som samfunnshus for Dale.
Dalsdalen
Kilen er grenda øvst i Dalsdalen. Her er det kort veg over fjellet til Vigdal, og dei første åra vart ungane i Kilen sende over til Vigdal på skule.
Frå 1910 fekk Kilen eigen skule i ei leigd kårstove. Her heldt den til til 1930, då skulen ei tid flytta over til ei leigd stove på Sage litt lengre nede i dalen. Skulen i Kilen vart lagt ned i 1955 og borna sentraliserte til Dale skule.
Skulen i sørsidegrendene i Luster var frå starten av delt i to roder - Feigum og Kroken, og i lang tid drive som omgangsskule.
Solvorn fekk det første skulehuset på Bjørnetun i 1865, men huset var dårleg. Krav om nybygg vart difor reist alt i 1880.
Bolstad krins fekk eige skulehus på Bolstad almenning - dvs. Skjolden - i 1862, og nytt skulehus i 1898.
Fortun fekk det første faste skulehuset i 1867, men lange avstandar gjorde at fleire grender hadde omgangsskule til langt inn på 1900-talet.
Tandla i Gaupne fekk skulehus i 1863, og Røneid i 1866. Då brua over Jostedalselva kom på 1890-talet, vart Røneid skulekrins slegen saman med skulekrinsen i Bukta på nordsida av elva i 1902.
Privatskule på Råum
Råum aust for Gaupne var eigen omgangsskulekrins frå 1863 til 1895. Frå 1902 til 1914 dreiv foreldra på Råum privatskule for elevane. Det vart også drive eigen skule for Råum frå 1931 til 1947.
Leirdalen og Alsmo
For Leirdalen og Alsmo vart det arbeidd for eige skulebygg heilt frå 1904 utan resultat. I staden vart skulen skiftande mellom ulike leigde lokale så lenge der var eigen krins. Før det kom skulerute i 1961 måtte ungane som budde lengst frå skulen, bu borte på hybel. Krinsen vart slegen saman med Vigdal frå 1962 til 1966, då alt vart sentralisert til Gaupne.
Vigdal-skulen med eiga badstove
Vigdal fekk eige skulehus i 1926, etter at kravet hadde vore framme sidan 1913. Vigdal vart slegen saman med Alsmo krins frå 1962 ti 1966, då skulen vart sentralisert til Gaupne. Læraren i krinsen, Olav Havreberg, fekk i 1946 bygdefolket med på å byggje ei badstove ved skulen. Badstova vart restaurert i 2000.
Jostedalen var frå først av delt i eit øvre og nedre distrikt: Til nedre høyrde Myklemyr, Sperle og deler av Kreken - til øvre resten av Kreken, Krundalen, Mjølverdal og Fåberg. Kvart distrikt hadde si eiga omgangsskuleordning.
Eikjastrondi/ Eikum
var skipa som eigen skulekrins, men hadde ikkje eige skulebygg. Fram til den vart lagt ned som eigen krins i 1915, gjekk ungane derfrå på nærliggjande skular som t. d. i Solvorn eller Ugulen. Etter nedlegginga av krinsen i 1915 valde nokre foreldra å sende borna sine over fjorden til skulen i Kroken. Var det i protest mot eitt eller anna?
Joranger, Ugulen, Mollandsmarka, Fet og Kjørlaug (Livdtun).
Ugulen, Kvam, Kreken krins, sentralskulen på Mo, og kombinert barne- og ungdomsskule.
Kring Veitastrondsvatnet vart det bygt skulehus for tre krinsar: Ein for bygdene kring sørenden av vatnet - ein for bygdene på begge sider av nordenden, og ein for "flatbygda" nord for vatnet.