Munthe-garden i Årøy

Framom det gamle tunet gjekk den tidlegare hovudvegen mellom Sogndal og Fylkesbygda - som Hafslo vart kalla i gamle dagar. Reisande som skulle den vegen, vart rodde inn Barnesfjorden til Nagløyri, der vegen opp dalføret gjekk på austsida av Årøyelva framom den ville Helvetesfossen til Hafslo og Solvorn.

Bygdeborga i Årøy

På fjellknatten Borgarholt midt i den tronge dalen ligg restar etter ei bygdeborg frå folkevandringstida.

Olavskjelda i Årøy

I Gildreskria litt lengre oppe finn ein Olavskjelda.

Munthe kjem til Årøy

Munthe-slekta i Årøy starta med futen Christoffer Giertsøn Morgenstierne kring 1640.

Då både Christoffer Munthe og kona døydde av ein farsott i 1793, viste det seg at dei m.a. eigde kyrkja i Hafslo. Skiftet etter dei to gjekk på auksjon, og Munthe-eigedomen i Årøy og det dei eigde elles i Sogn vart stykka opp.

Nitter-slekta avløyser Munthe

Garden i Årøy vart i 1794 kjøpt av kremmar Henrik Ludviksson Nitter (f. 1751) frå Solvorn. Han flytta til Årøy og dreiv den store eigedomen i 17 år.

Munthe tok Årøy tilbake

Men i 1811 tok ein frå Munthe-slekta tilbake Årøy på odel. Det var Gerhard Christoffersen Munthe (f. 1791-1878), som hadde vakse opp i Kroken. Nitter måtte etter dette flytte tilbake til Solvorn.

Årøy-eigaren i dag

I 2003 er det den kjende skogbrukaren og industrimannen, siviløkonom Arnt Christian Hovland som eig i Årøy. Arnt Hovland var i mange år leiar i skogeigarforening i fylket, Han var også drivkrafta og dagleg leiar frå 1980-åra og utover då det tidlegare Moelven Bruk i Utvik i Nordfjord vart bygt ut til suksessverksemda Fjordtre Produkter, med ei omsetning i 2003 på kring 200 millionar kroner.

Hovudside:
· Adels- og embetsgardar på rekkje og rad