|
Bremuséet er teikna av Sverre Fehn. (Foto: Arild Nybø, NRK © 2003) |
Etter opptak frå m.a. glasiologen og polarforskaren, professor Olav Orheim og systera, hotelleigar
Marit Orheim Mauritzen ved
Mundal hotell, vart det på slutten av 1980-talet skipa ei stifting for å få bygt eit bremuseum i Fjærland.
|
Olav Orheim. |
Bak stiftinga Norsk Bremuseum står Den Norske Turistforening, International Glaciological Society, Norges Vassdrags- og energidirektorat, Norsk Polarinstitutt, Høgskulen i Sogn og Fjordane og universiteta i Oslo og Bergen.
Verdskjend akitekt
Den verdskjende norske arkitekten Sverre Fehn fekk i oppdrag å teikne museumsbygget, som vart opna av dronning Sonja i 1991.
|
(Foto: NRK) |
Bygget med sin særeigne fasade vekte oppsikt vide omkring. Det innheld m.a. ein kinosal, der publikum på rundskjerm kan vere med på ei reise over breen. Den første brefilmen vart laga av den kjende norske filmskaparen Ivo Caprino.
Pedagogisk utstilling
Utstillingane er delte inn i 23 tema som på ein lettfatteleg måte, med modellar, viser
|
Muséet innehelde modellar av brear og brevandrarar. (Foto: NRK) |
korleis breane har vorte danna og utviklar seg. Norsk Bremuseum vart utvida for 27 millionar kroner i 2007 for å gje plass til ei avdeling som viser klimaendringane på jorda.
Stor attraksjon
Norsk Bremuseum har vorte ein av dei største turistattraksjonane i Sogn og Fjordane, og er ved sida av
Jostedalsbreen Nasjonalparksenter i Oppstryn og
Breheimsenteret i Jostedalen like ved Nigardsbreen dei tre informasjonssentra som skal dekkje Jostedalsbreen nasjonalpark.
Brævasshytta
Like under Bøyabreen er det bygd ei turisthytte som heiter Brævasshytta. Denne vart monaleg utvida etter at Fjærlandstunnelen opna i 1986, og har m.a. panaromavindauge opp mot brefallet.
Moderne turistbygd
Fram til 1994 vart Fjærlandsfjorden trafikkert av ferje mellom Mundal og Hella. Opninga av tunnelsamband gjennom Bergetunnelen og Frudalstunnelen mot Sogndal i 1994 gav ein ny framskuv for Fjærland som ei moderne turistbygd. Fylkesbaatane og andre selskap har i turistsesongen drive båtruter mellom Fjærland og Gudvangen.
Milliongåve til klimasenter
I 2006 gav milliardæren Jens Ulltveit Moe 15 millionar kroner til Norsk Bremuseum slik at det kunne utvidast med ei avdeling der ein viser endringane i klimaet på jorda og kva som påverkar dette.
|
(Foto: Arild Nybø, NRK © 2003) |