1500-talet
Den første kjende skredulukka i Vik er frå 1500-talet då eit snøras frå fjellet Sopa ved Geithus mellom Arnafjorden og Finnafjorden råka ein robåt slik at mannen ombord drukna.
I 1707
omkom mann og kone då garden Øvstedal vart teken av skred. Borna deira overlevde.
1746
I 1746 omkom ein mann frå Risløv i Ovrisdalen då han vart teken av eit snøskred.
I 1761
omkom tre menneske på Vetløyri i eit jord- og steinskred.
Skredulukker på Bruavoll
I 1775 raserte eit jordskred det meste av åkerlandet på garden Bruavoll. Også i 1880 gjekk det skred som øydela to hus på Bruavoll. I 1931 omkom eit eldre ektepar då eit snøskred tok bustadhuset på Bruavoll. Fem andre som sov i huset, overlevde.
I 1777
omkom eit ektepar og dei to borna deira i eit skred på garden Hola. Dei frykta skred denne uvêrsnatta og flytta frå stovehuset og ut i eit utløe. Men så vart det utløa som vart råka av skredet.
I april 1780
omkom sju personar etter at dei hadde vore på skjenkestova på Vikøyri: Ein mann gjekk utfor brua og drukna i Vikja, og fem menn og ei kvinne drukna i fjorden.
Utanom dei store rasulukkene i Lodalen i 1905 og 1936, er skredulukka på garden Nese i Arnafjorden den 2. desember 1811 ei av dei største naturkatastrofene i Noreg i nyare tid.
I 1829
øydela eit skred 13 hus på garden Øvstedal. Folket hadde frykta skred, og hadde evakuert husa. Dei tok med seg hestane, men resten av bølingen vart att, og strauk med.
I 1830
vart mest alle hus og mykje av jorda på Nedre Hatlelid i Fresvik øydelagd av eit jordskred. Folket berga seg, men dei fleste husdyra vart drepne.
Brannen er ein av dei største i Noreg i nyare tid. På 4 timar var ialt 294 hus lagde i oske.
I 1840
drukna tre menn frå Arnafjord på veg til Bergen.
omkom eit ektepar og dottera deira då eit skred tok garden Høgheim i Fresvik.
I 1843
drukna to gutar frå Valsvik. Omstenda er ukjende.
I 1869
fraus ein mann frå Vangsnes i hel under vinterfiske i Gulen. Ein annan ombord vart såvidt berga.
På Lee-gardane ved Arnafjorden har ras gjort mykje skade fram gjennom tida.
Ni menneske omkom i Fresvik
I 1882 omkom ni menneske i eit jordskred på to gardar på Hov i Fresvik. Av desse var seks frå same huslyden. Dei tre andre var tenestefolk.
I 1897
vart ei budeie stanga i hel av ein framand okse på stølen i Grøndalen på Vikafjellet.
I 1914
omkom far og son då dei vart tekne av snøskred ved Klepp i Fresvik. Skavlen som losna og drap dei to har sidan vorte kalla Hermundskavlen etter bonden som vart drepen. Ein minnestein er reist på staden der ulukka hende.
Den 20. januar 1922 vart 39 hus på Vikøyri totalskadde av brann, og fleire hus fekk store brannskader. Ingen personar vart skadde i brannen.
I 1921
omkom ein ung mann i uver på Vikafjellet. Han var gymnasiast på Voss, og skulle gå på ski heim til Framfjorden då uveret tok han.
I 1929
omkom ein ung mann då han vart teken av snøras i Bøadalen.
1931
I 1931 omkom eit ektepar på ein gard i Seljedalen då eit jord- og steinskred knuste husa på garden.
I 1936
druka to menn frå Fresvik då robåten som dei hadde lasta med ved, gjekk rundt i austakulingen på Sognefjorden.
I 1950
sopte ein stort steinras ei løe, naust og ei bryggje på fjorden i Fresvik.
I 1963
omkom flygaren og fotografen då eit fly frå Widerøes Flyveselskap som var ute på foto-oppdrag, styrta i Vik. Flyet støytte mot ein løypestreng.
I 1965
drukna to menn under dykking utanfor Ligtvor.
1979
I 1979 omkom ein seks år gamal gut då oppstillingsplassen på ferjeleiet på Vangsnes seig ut, og guten fylgde bilen han sat i i fjorden.