Mindresunde og Langvin jordbruksskular

Før jordbruksskulen for Nordfjord vart grunnlagt der i 1920, var det skysstasjon og hotell på Mindresunde gard.

Olav Karstad

Den store hotellbygningen høvde godt som skule og elevinternat. Olav Karstad var styrar så lenge skulen låg på Mindresunde.

Leigeavtalen for Mindresunde gard gjekk ut i 1945, men fylket fekk lengd avtalen inntil ein hadde fått ordna med ny gard til jordbruksskulen. Stryn kommune gjorde alt den kunne for å halde på jordbruksskulen: Dei gjorde avtale om kjøp av garden Mindresunde for å overdra den vederlagsfritt til fylket, og baud også fram garden Storesunde for fylket.
Også andre gardar i Nordfjord vart bydde fram som ny skulestad: Høylo i Breim, Vereide prestegard og Davik prestegard.Men i Innvik hadde kommunen fått hand om prestegarden og baud den vederlagsfritt til fylket.

Jordbruksskulen har lege på Langvin sidan 1950.

Flytting til Langvin

Driftsbygning på Langvin.

I 1945 vedtok fylket å flytte skulen for Nordfjord til Langvin i Innvik, og flytta jordbruksskulen dit i 1951. Eit avgjerande argument for å flytte til Innvik, var at bygda låg lagleg til for fruktdyrking.

Ei tid var det på tale at Det Norske Indremisjonsselskap ville byggje eigen landbruksskule ein stad på Vestlandet. Langvin var då aktuell, men Kyrkjedepartementet heldt fast på at det var fylket som skulle overta Langvin til jordbruksskule. Ei tyskarbrakke vart flytta frå Stryn til Langvin og nytta som internat og skulebygning dei første åra. I 1973 brann den store driftsbygningen ned, men alle husdyra vart berga.

Nedlagd i 1995

Langvin vart nedlagd som jordbruksskule i 1995, og ei stifting har ansvaret for å finne nytte i skulebygningar og jordbruksland til andre føremål, m.a. urtedyrking.

Elevar horvar åker med traktor på Langvin.